فيه كلام تنموي وإيجابي متزوّق ومليان تشجيع بيعجبنا قوي لما نسمعه’ بس لما نيجي نطبّقه ما بنعرفش خالص’ مش نافع’ مش شغال في العالم الثالث ومش راكب مع ظروفنا وثقافتنا.  فقبل ما تقعد تبيع لي الوهم وتطلب مني أحقق مليون حاجة نفسياً واجتماعياً’ بٌص على ظروفي’ بٌص على حياتي اللي عشتها وتعليمي وتربيتي ومجتمعي وأفكاري ونفسيتي’ بٌص معايا كام في جيوبي’ وبعمل إيه كل يوم وأنا مش حابه ولا قابله ولا عايز أعمله’ وبعدين ابقى تعالى ارمي لي الأوهام وبيع لي الكلام بتاع: ابتسم وأنت ذاهب للعمل’ وأنت عظيم’ وأغرق حياتك بالإيجابية.. إيجابية دي تبقى خالتك’ وعلم النفس الإيجابي ماقالش الكلام الفارغ ده! وعلشان كده أنشأت علم نفس الظروف. علم نفس جديد متفصل لينا إحنا’ علم نفس أصلي غير مستورد فاهم وبيراعي ظروفنا ومخاوفنا ومجتمعنا وسيكولوجيتنا في العالم الثالث. الكتاب ده هيساعدك تبقى أكثر سعادة وصحة نفسية وجسدية بناء على واقعك المرير وطاقتك المحدودة وحبك للمحشي.