عمر أباظه، شاب مغرور بيشتغل في مجال الإعلانات وعايش حياة مرفهة من غير قيود. الحب والصداقة بالنسبة له مجرد أدوات لتقضية يوم من غير ملل. عمره ما حب حد بجد غير جدتة چيچي سالم، أشهر فنانات السينما المصرية في فتره الستينات. في يوم هيصحي علي خبر وفاتها فجأة وهيكتشف انها ماتت منتحرة، هيحصله هوس شديد انه يعرف ليه ممكن واحدة في سنها تنتحر وهتبدأ رحلته في الخروج من حياته الصاخبة والدخول في حياتها الغامضة ليكتشف أسرار عمره في حياته ما كان يتوقعها. رحلة البحث هتخليه يحبها ويكرهها، يتعاطف معاها ويحكم عليها بأقصى الأحكام لحد ماهيوصل للخيط المفاجئ اللي مكانش يتوقعه أبدًا.